श्रीमानसँगै बन गएकी महिलाको घाँटी छिनाएर हत्या

जनकपुरधाम, साउन ३० - धनुषामा एक महिलाको हत्या भएको छ । धनुषाको क्षिरेश्वरनाथ नगरपालका ६ का सुन्दरकला देवी साह तेलीको जंगलमा घरेलु हतियारले घाँटी छिनाई हत्या भएको हो ।

प्रहरीका अनुसार गएको शुक्रबार सुन्दरकलादेवी श्रीमान कुशे साह तेलीसँगै भैसेखेला बर्दिया जंगलमा दाउरा लिन जानु भएको थियो । जंगलबाट एक्लै घर फर्केका कुशेलाई गाउँले र प्रहरीले केरकार गरेपछि उनले श्रीमतीको हत्या भएको जानकारी दिएका हुन् ।

ईलाका प्रहरी कार्यालय ढल्केबरबाट गएको प्रहरी टोलीले आधा घाँटी छिनाएर हत्या गरि फालिएको अवस्थामा सुन्दरकलादेवीको शव फेला पारेको हो ।

घट्नामा श्रीमान कुशेकै संलग्नता हुन सक्ने र थप अनुसन्धान भईरहेको ईलाका प्रहरी कार्यालय ढल्केवरका प्रहरी निरीक्षक सागर रानाले जानकारी दिनुभयो । शवलाई पोष्टमार्टमको लागि जनकपुर अञ्चल अस्पतालमा ल्याइएको छ ।