यस्ता छन् मानिसलाई नपुंसक बनाउने तत्वहरु

–धेरै कफी तथा चिया पिउने बानीले महिला तथा पुरुषको प्रजनन क्षमतामा असर पुराउने गर्दछ ।
–बढी पिरो, चिल्लो, अमिलो तथा गर्मी गर्ने खानेकुराको सेवनले पनि प्रजनन स्वास्थ्यका लागि हानिकारक हुन सक्छ । यस्ता पदार्थको अत्यधिक सेवनले पुरुषमा वीर्यको गुणस्तर तथा शुक्रकीटको संख्यामा कमी ल्याउने बताइन्छ ।
–नसुत्नु तथा राम्रो निद्रा नपर्नु पनि नपुंसकताको संकेत भएको विभिन्न अध्ययनहरुले देखाएका छन् ।
–धुमपानले पनि मानिसलाई नपुंसक बनाउने खतरा हुन्छ । धुमपानका कारण रक्तसंचारमा असर पर्छ । रक्तसंचारमा असर पर्नु भनेको प्रजनन क्षमता कमजोर हुनु हो ।
–मोटोपन बढ्नु शारीरिक, मानसिक तथा यौनिक स्वास्थ्यका दृष्टिले निकै खराब कुरा हो । यसको सीधा असर मानिसको यौन तथा प्रजनन स्वास्थ्यमा पर्छ । त्यसैले सन्तुलित भोजन तथा व्यायाममा ध्यान दिनुपर्छ ।
–पर्याप्त नसुत्दा पनि नपुंसकताको खतरा बढ्छ । दिनको आठ घण्टा नसुत्ने मानिसमा थकान बढ्ने मात्र होइन, शरीरको जैविक प्रक्रियामा पनि असर पुग्छ । शरीरमा हार्मोनको असन्तुलन हुन्छ जसले यौन तथा प्रजनन  क्षमतामा ह्रास ल्याउँछ र नपुंसकताको खतरा बढाउँछ ।
–जाँड–रक्सीको सेवन प्रजनन स्वास्थ्यका लागि निकै हानिकारक हुन्छ । यसले रक्तविकार बढाउने तथा यौन क्षमतामा ह्रास ल्याउने विज्ञहरु बताउँछन् ।
–जंक फुड बढी सेवन गर्ने मानिसको शरीरमा आवश्यक पोषणको कमी हुन्छ । यस्तो कमी पुर्ति गर्न विभिन्न औषधि तथा चक्की खाने बानीले समेत मानिसको प्रजनन क्षमतामा असर पुराउने गर्दछ ।
–तनाव पनि नपुंसकताको कारण बन्न सक्छ । यदि मानिसको जीवन तनावपूर्ण छ भने उसको यौन क्षमतामा कमी आउँछ । एजेन्सी