दुर्घटनामा माओवादी केन्द्रका नेता पूर्वेको मृत्यु

दुर्घटनामा परि धनुषामा एक जना माओवादी नेताको ज्यान गएको छ ।  धनुषाको मिथिलानगरपालिका जमुनिबासका माओवादी केन्द्रका केन्द्रिय अधिवेशन प्रतिनिधी ५५ वर्षका चन्देश्वर पूर्वेको ज्यान गएको हो ।

पूर्वे चढेको ज ६ प ८५०५ नम्बरको मोटरसाइकललाई ज १ च ११७१ नम्बरको टाटासोमुले धनुषाको मिथिलानगरपालिका–९ लालगढमा मंगलबार दिउँसो ठक्कर दिएको थियो ।

ठक्करबाट गम्भीर घाइते भएका नेता पूर्वेको लालगढको मोडेल अस्पतालमा उपचार गरी थप उपचारका लागि काठमाडौं लैजाँदै गर्दा बाटोमै ज्यान गएको इलाका प्रहरी कार्यालय ढल्केवरले जनाएको छ । ठक्कर दिने टाटासोमु नियन्त्रणमा रहेको चालक फरार रहेकोले खोजी भइरहेको प्रहरीले जनाएको छ ।