नेविसंघको महाधिवेशनमा आज मतदाता नामावली प्रकाशन गरिने

महाधिवेशन लम्बिएसंगै नेपाली कंग्रेसको भ्रातृसंगठन नेविसंघको निर्वाचन कार्यतालिका प्रभावित भएको छ । निर्वाचन प्रक्रिया आज शुरु हुने भनिएपनि महाधिवेशनमा मतदाता सुचि विवाद निस्किएपछि निर्वाचन प्रक्रिया ढिलाई भएको हो । यद्यपी पार्टीको निर्देशक समितिले गएराती अबेर सो विवाद मिलाएको छ । मतदाता नामावालीमा दखिएको विवाद गएरातीबाट समाधान भएपछि आज मतदाताको अन्तिम नामावली प्रकाशन गरिने र भोलीबाट निर्वाचन प्रक्रिया शुरु हुने नेविसंघले जनाएको छ । यसअघी ३३ सय को हाराहारीमा महाधिवेशन प्रतिनिधि रहेको बताइए पनि विवाद भएपछि निर्देशक समिति बैठकले मतदाताको सुचि ३५ सयको हाराहारीमा पुर्‍याएको छ । प्रतिनीधिको सुचिमा सहमति भएसंगै निर्वाचन समितिले आज मतदाताको अन्तिम नामावली सार्वजनिक गर्ने र भोलीबाट निर्वाचन प्रक्रिया शुरु हुने बताईएको छ ।