पिरियडमा सेक्स कति उचित, कति अनुचित ?

नातेदारहरु कुराकुरामा ‘खुसीको खबर कहिले दिँदैछौ?’ भन्ने प्रश्न सोध्नु आम कुरा हो । यसको आशय सन्तान कहिले जन्माउँदैछौ भन्ने हो । तर, यही खुसीको खबरका लागि भगवानले महिलाको शरीरमा जुन सिस्टम बनाएको छ, त्यस विषयमा कुरा गर्न प्रतिबन्ध छ । यही कारण हो कि ‘त्यो समय’का बारेमा कयौ गलत धारणा छ ।
कपाल नधुनु
सामान्यतः किशोरीहरुलाई पिरियडको पहिलो दुई दिन कपाल ननुहाउन भन्ने गरिन्छ । यो सल्लाहको कुनै आधार भने छैन । यसविपरीत तातो पानीले नुहाउँदा पिरियड्समा दुखाईबाट राहत मिल्ने गर्दछ ।
नुहाउन पनि रोक
जुन जमानामा यो नियम बन्यो होला, त्यतिबेला अहिलेजस्तो बाथरुप शायदै हुन्थे होलान् । जुन नहरबाट पिउने पानी ल्याउने गरिन्थ्यो, त्यही नुहाए दुषित हुन सक्थ्यो । तर, अहिले न त महिलाहरुलाई नुहाउन कुनै समस्या छ, न कुनै बाधा । तैपनि त्यही पूरानो नियम पछ्याउने परम्परा कायमै छ।
बोटविरुवा छुन नदिनु
चार दिनका लागि महिलाहरुलाई शैतान समान व्यवहार गरिन्छ । कुनै विरुवा छुन नहुनेदेखि अनेक नियम बनाइएको छ। तुलसी वा अन्य कुनै विरुवा पिरियडको अवस्थामा महिलाले दिने पानीले पक्कै पनि मरेको देखिएको छैन ।
अचार छुन नहुने
यो त्यही अवस्था हो, जुन एउटा बच्चालाई डराउन गरिन्छ । बालबालिकालाई डर देखाउन आमाबाबुले भूतको आउनेसम्म भन्ने गर्दछन् । पिरियड्सका क्रममा हार्मोन बढी सक्रिय हुन्छ । मसलादार खाना खाँदा उनीहरुको सन्तुलन गडबड हुन सक्छ । तर, अचारलाई तपाईबाट कुनै खतरा छैन ।
पापडदेखि टाढै रहनु
जसले तपाईलाई यस्तो सल्लाह दिने गर्दछन्, त्यस्तालाई एउटा टेस्ट गरेर देखाई दिनुस् । न त बच्चालाई लिन कुनै भूत आउनेछ, न त तपाईले पिरियडका बेला छोएर पापडको रंग नै परिवर्तन हुनेछ ।
सेक्स गर्दै नगर्नू
पिरियड्सको सुरुवाती दिनमा शरीरमा कमजोरी महशुस हुने गर्दछ । त्यसैले आराम गर्नु आवश्यक छ। यो गर, त्यो नगर भन्नुले एउटै कुरा बुझ्न सकिन्छ कि आराम गर । तर, यसक्रममा सेक्स गर्दा पार्टनरको पुरुषत्व नै गम्नेसम्मको तर्क मुर्खहरुले मात्र गर्ने तर्क हो ।
भान्साभन्दा बाहिर
जुन परिवार ठुलो छ, त्यस्ता परिवारमा यो चलन अहिले पनि छ। तर, जहाँ श्रीमान श्रीमती मात्र छन्, त्यहाँ यसको कसैले परवाह गर्दैन । त्यसो भए पिरियडको अवस्थामा महिला भान्सामा जाँदा सानो परिवारको खाना दुषित नहुने तर ठुलो परिवारको खाना दुषित हुने कसरी सम्भव छ ?
घरबाहिरै राख्नु
यो झन अलग्गै स्तर हो । जतिबेला महिलालाई आफ्नो ओछ्यान र कोठामा सुत्नसमेन दिइँदैछ । यसबाट एउटा फाइदा भने हुन सक्छ कि राति गल्तीबस ओछ्यानमा दाग नलागोस् । तन्ना धुन नपरोस् । तर, महिलालाई जुन पीडा हुनेछ, त्यसको भर्पाई कस्ले गर्छ ?
मन्दिर प्रवेश
जब पहिलोपटक किशोरीहरुले पिरियड महशुस गर्दछन् तब अधिकांश आमाहरुको सबैभन्दा पहिलो सुझाव यही हुन्छ कि मन्दिर प्रवेश नगर । तर, विश्वमा यस्ता पनि मन्दिर छ जहाँ देवीको पिरियड अवस्थाको पूजा गर्ने गरिन्छ । भारतको महाराष्ट्रमा पहिलो पिरियड्समा पूजा हुन्छ । यदि पहिलोपटक पवित्र हुने भए त्यसपछिको त्यही अवस्था किन अपवित्र ?
जादु टुनावाला रगत
पिरियड्सको रगत रगत मात्र हो । तर, त्यसलाई यति धेरै खतरनाक मान्ने गरिएको छ कि त्यसबाट कालो जादु पनि गर्न सकिने बताइन्छ । तपाईलाई पनि लाग्छ कि यस्तो छेउ न टुप्पोको कुरा गाउँघरमा बस्नेले मात्र गर्दछन् । त्यसो होइन, भारतीय अभिनेत्री कंगना राणावतका पढेलेखेका ब्वायफ्रेण्डले पनि यस्तै कुरा गरेका थिए ।एजेन्सी