यस्ता छन् घरमै अनुहार सुन्दर बनाउने काइदा

आफ्नो अनुहार चम्काउन र उज्यालो देखिन कसलाई रहर नहोला र ? अनुहार चम्काउने र सौन्दर्य निखार्ने भन्दै बजारमा सौन्दर्य सामग्री पनि व्यापक भेटिन्छन् । तर, के तपाईलाई थाहा छ, घरेलु सामग्रीबाट नै हामी अनुहारमा निखार ल्याउन सक्छौ, त्यो पनि केही समयमै । सौन्दर्य निखार्ने घरेलु उपाय यस्ता छन्ः
–आधार चम्चा सुन्दलाको रसमा ४÷५ थोपा कागतीको रस मिसाउनुहोस् । त्यसमा आधा चम्चा चन्दनको पाउडर र केही थोपा गुलावजल मिसाउनुहोस् । यो मिसावटलाई केही समय फ्रिजमा राख्नुहोस् । त्यसपछि अनुहारमा लगाउनुहोस् । १५÷२० मिनेटपछि सफा र चिसो पानीले धुनुहोस् । यसले अनुहारमा रहेको चिल्लो हटाउनुका साथै चमक पनि दिन्छ ।
–गुलावजलमा चन्दनको पाउडर मिसाएर बनेको लेप लगाउन पनि सकिन्छ । त्यो लेपले अनुहारको कालो दाग मात्र हटाउँदैन, अनुहारको चिल्लोपना पनि सफा गर्छ ।
–काजु छालाका लागि अत्यन्त लाभदायक मानिन्छ । यसलाई पिसेर दुधमा मिसाएर लेप बनाउन सकिन्छ । सुख्खा छालाका लागि काजु रातभर दुधमा मिसाएर छाड्न सकिन्छ । त्यो लेपलाई बिहान अनुहारमा लगाउन सकिन् छ। यो मिश्रणले सुख्खा छालालाई नरम बनाउन मात्र होइन, छालालाई चम्काउन पनि सहयोग गर्छ ।
–अनुहारको चिल्लोपना र सुख्खापन एउटा प्रमुख समस्या हो । तर, यसबाट आत्तिहाल्नु पर्दैन । दही र पुदिनाको पात प्रयोग गरेर अनुहारलाई चम्काउन सकिन्छ । त्यसका लागि दहीमा पुदिनाको पातलाई पिसेर राख्न सकिन्छ । आधा घण्टा यसरी राखिएको मिश्रणलाई गाला र अनुहारमा लगाउनुपर्छ । त्यसलाई मनतातो पानीमा धुँदा अनुहारको चमक बढ्छ । एजेन्सी