अमेरिकी आकाशमा उडिरहेको बेलुनमा आगलागी हुँदा १६ जनाको मृत्यु

अमेरिकाको टेक्ससमा तातो हावा भरिएको बेलुनमा आगलागी हुँदा त्यसमा सवार सबै १६ जनाको मृत्यु भएको छ । आगलागीपछि बेलुन टेक्ससको राजधानीबाट करीब ५० किलोमिटर दक्षिणी क्षेत्रस्थित खेतमा खसेको त्यहाँको सञ्चारमाध्यमलाई उद्धृत गर्दै बिबिसीले जनाएको छ । स्थानीय अधिकारीले बिजुलीको तारमा ठोक्किएर बेलुनमा आगो लागेको हुनसक्ने अनुमान गरेपनि पुष्टि हुन बाँकी छ । दुर्घटना स्थानीय समयअनुसार बिहान ७ बजेर ४० मिनेटमा भएको थियो । एक घण्टाका लागि उडेको बेलुन आधा घण्टामै खसेको थियो ।