तीर्थयात्री बोकेको ट्याक्टर दुर्घटना, एकको मृत्यु सात घाइते

सिरहाको बड्हारामाल–६ स्थित बन्दीपुर सडकमा तीर्थयात्री बोकेको ट्याक्टर दुर्घटना हुँदा एक जनाको मृत्यु भएको छ भने सात जना घाइते भएका छन्। 

पूर्व पश्चिम राजमार्गअन्तर्गत पूर्वबाट पश्चिमतर्फ जाँदै गरेको स १ त १३०७ नम्बरको ट्याक्टर अनियन्त्रित भई दुर्घटना हुँदा ट्याक्टरमा सवार सिरहा मिर्चैया नगरपालिका–८ निवासी १८ वर्षीया गौरी रायको मृत्यु भएको प्रहरीले जनाएको छ। 

सो दुर्घटनामा परी गम्भीर घाइते मिर्चैया नगरपालिका–८ निवासी २० वर्षीय विपीन रायको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ।

अन्य घाइतेको स्थानीय क्लिनिकमा उपचार भइरहेको इलाका प्रहरी कार्यालय मिर्चैयाका प्रहरी नायब उपरीक्षक श्यामसिंह चौधरीले जानकारी दिए।

एमालेले प्रधानमन्त्रीमा उम्मेदवारी दिने

काठमाडौं- सत्ताबाट बाहिरिँदै गरेको नेकपा एमालेले बुधबार हुने प्रधानमन्त्री निर्वाचनमा उम्मेदवारी दिने भएको छ। अहिलेको सरकार हटाउन प्रमुख भूमिका खेल्ने नेकपा माओवादी केन्द्रका अध्यक्ष पुष्पकमल दाहाललाई सर्वसम्मत प्रधानमन्त्री बन्न नदिन एमालेमा एकमत देखिए पनि उम्मेदवार टुंगो भने लागेको छैन। नयाँ गठबन्धनले दाहाललाई प्रधानमन्त्रीका रूपमा प्रस्ताव गरेको छ।
एमालेमा पार्टीभित्रैको व्यक्तिलाई उम्मेदवार बनाउने वा सरकारमा अन्तिम समयसम्म साथ दिने दलका उम्मेदवारलाई अघि बढाउने भन्ने विषयमा निर्णय भइसकेको छैन। एमालेमा पार्टी उपाध्यक्ष वामदेव गौतम र संसदीय दलका उपनेता सुवासचन्द्र नेम्वाङमध्ये एकलाई उम्मेदवार बनाउनेबारे छलफल जारी छ।
'हाम्रोतर्फबाट निश्चित रूपमा उम्मेदवारी पर्नेछ तर कसलाई उम्मेदवार बनाउने भन्ने विषयमा पार्टीको बैठक बसेर निर्णय हुन्छ,' एमालेका प्रचार विभाग प्रमुख योगेश भट्टराईले नागरिकसँग भने। पछिल्लोपटक अविश्वास प्रस्ताव सामना गर्नुअघि स्थायी कमिटी बैठक बसेको थियो।
एमाले प्रमुख सचेतक भानुभक्त ढकालले नेकपा माओवादी केन्द्रका अध्यक्ष दाहाललाई मत नदिने बताए। 'अहिलेसम्म उम्मेदवार को हो भन्ने विषयमा टुंगो लागेको छैन तर दाहाललाई भने मत जाने छैन,' ढकालले नागरिकसँग भने, 'आमचुनाव जस्तो धेरै ठाउँमा प्रचार–प्रसार गर्नुपर्ने होइन, पार्टीले बैठक बसेर वा अध्यक्षले नेताहरूसँग परामर्श गरेर पनि उम्मेदवारको टुंगो लगाउने छौं।' उनले को उम्मेदवार हुने भन्ने विषय टुंगिनसकेको बताए।

नयाँ प्रधानमन्त्री तीन दिनभित्रै

काठमाडौं- राष्ट्रपति विद्यादेवी भण्डारीले सहमतीय सरकार गठनका लागि दिएको समय सकिएसँगै व्यवस्थापिका संसद्ले सोमबारबाटै बहुमतीय सरकार गठन प्रक्रिया सुरु गर्ने भएको छ।
सहमतिको सरकार गठनका लागि राष्ट्रपतिले दिएको सात दिनको समय आइतबार राति १२ बजेबाट सकिएपछि सोमबार बस्ने संसद् बैठकले बहुमतीय प्रक्रिया सुरु गर्ने भएको हो। संविधानको धारा २९८ को उपधारा (२) अनुसार दलीय सहमतिको सरकार गठन हुन नसकेपछि राष्ट्रपति भण्डारीले बहुमतीय प्रक्रियाबाट प्रधानमन्त्री चयन गर्न संसद्लाई पत्र पठाउने छिन्। राष्ट्रपतिको पत्रसँगै सोमबार दिउँसो ३ बजे बस्ने संसद् बैठकले निर्वाचन कार्यतालिका तय गर्नेछ।
संविधानको धारा २९८ र व्यवस्थापिका संसद् नियमावली, २०७३ को दफा ४९ (१) मा सहमतीय सरकार बन्ने व्यवस्था गरिएको छ। यसअन्तर्गत दलीय सहमति कायम हुन नसके के गर्ने भन्नेबारे सोही दफाको उपनियम २ मा उल्लेख छ– 'उपनियम १ बमोजिम सहमति कायम हुन नसके प्रधानमन्त्रीको निर्वाचन सभामुखले तोकेको दिन र समयमा हुनेछ। त्यसको सूचना महासचिव वा सचिवले प्रकाशन गर्नेछन्।'
नयाँ प्रधानमन्त्री चयनका लागि संसद् सचिवालयले मंगलबार उम्मेदवारी दर्ता र बुधबार प्रस्तावमाथि छलफलसहित निर्वाचन गर्ने आन्तरिक तयारी गरेको छ। संविधानको धारा २९८ को (३) उपधारा (२) बमोजिम सहमति कायम हुन नसके व्यवस्थापिका–संसद्को तत्काल कायम रहेका सम्पूर्ण सदस्य संख्याको बहुमतको आधारमा प्रधानमन्त्री निर्वाचित हुने व्यवस्था छ।
कांग्रेस प्रमुख सचेतक चिनकाजी श्रेष्ठले राष्ट्रपतिसँगको भेटमा शीर्ष नेताहरूले सहमतीय सरकार गठन हुन नसक्ने बताएकाले अब संसद्ले प्रक्रिया सुरु गर्ने बताए। उनका अनुसार संसद् बैठकले सोमबारै निर्वाचन अधिकृत तय गर्ने, मंगलबार मनोनयन गर्ने र बुधबार प्रधानमन्त्रीको निर्वाचन गर्नेगरी कार्यतालिका तय गर्नेछ।
पूर्वसहमति अनुसार नेकपा माओवादी केन्द्रका अध्यक्ष पुष्पकमल दाहाल नेपाली कांग्रेससहितका दलको समर्थनमा मुलुकको कार्यकारी प्रमुखको जिम्मेवारीमा पुग्ने छन्। २०६५ साउनमा पहिलोपटक मुलुकको कार्यकारी प्रमुखको जिम्मेवारी सम्हालेका दाहाललाई मधेसी जनअधिकार फोरम लोकतान्त्रिक, राष्ट्रिय प्रजातन्त्र पार्टीले समर्थन गर्ने आश्वासन दिइसकेका छन्।
त्यस्तै,  थरुहट तराई पार्टी नेपाल, स्वतन्त्र सांसद चन्देश्वर झा, संघीय लोकतान्त्रिक राष्ट्रिय मञ्च (थरुहट), नेपाल जनता दल, मधेसी जनअधिकार फोरम गणतान्त्रिक, नेपाल सद्भावना पार्टी, अखण्ड नेपाल पार्टी, खुम्बुवान राष्ट्रिय मोर्चा नेपाल, समाजवादी जनता पार्टीसहितका साना दलको समर्थन रहने कांग्रेस र माओवादीको बुझाइ छ।
त्यस्तै, आन्दोलनरत मधेसकेन्द्रित राजनीतिक दलले प्रधानमन्त्री निर्वाचनमा दाहालको पक्षमा मतदान गर्ने आश्वासन दिइसकेका छन्। तर, उनीहरूले उठाउँदै आएका मागमा कांग्रेस र सरकारको नेतृत्व गर्न लागेको माओवादीसँग लिखित प्रतिबद्धता खोजेपछि नौ सदस्यीय कार्यदल गठनसहित साझा प्रतिबद्धता जनाउने गृहकार्य सुरु भएको छ।
त्यस्तै, प्रधानमन्त्रीका प्रस्तावित उम्मेदवार दाहालले आइतबार राष्ट्रिय प्रजातन्त्र पार्टी नेपालका अध्यक्ष कमल थापालाई भेटी सहयोग मागेका छन्। दाहाल नेतृत्वको सरकारमा सहभागी हुन राप्रपा नेपाल लचिलो देखिए पनि थापाले पार्टीमा सल्लाह गरेर निर्णय दिने बताएका छन्। थापा नेतृत्वको राप्रपा नेपालका २५ सांसद छन्।
नेकपा एमालेले दाहाल नेतृत्वको सरकारमा सहभागि नहुने भन्दै प्रतिपक्षमा बस्ने जनाउँदै आएको छ भने नेकपा (माले), राष्ट्रिय जनमोर्चा पार्टी, नेपाल मजदुर किसान पार्टीसहितका दलले पनि दाहालको विपक्षमा मतदान गर्ने तयारी गरेका छन्। तर, उनीहरूले निर्णय भने गरिनसकेको निकट स्रोतको दाबी छ। संसद्मा हाल ५ सय ९५ सांसद कायम रहेकाले प्रधानमन्त्रीमा निर्वाचित हुन २ सय ९८ सांसदको समर्थन आवश्यक पर्छ।
त्यसअघि राष्ट्रपति भण्डारीले साउन १० गते संविधानको धारा ३०५ अनुसार बमोजिम जारी भएको बाधा अड्काउ फुकाउने आदेश र सोही संविधानको धारा २९८ को उपधारा (२) अनुसार व्यवस्थापिका संसद्मा प्रतिनिधित्व गर्ने राजनीतिक दललाई सात दिनभित्र सहमतिको सरकार गठनका लागि आह्वान गरेकी थिइन्।
यसैबीच, राष्ट्रपति भण्डारीले सहमतीय सरकार गठनका विषयमा प्रमुख राजनीतिक दलसँग छलफल गरेकी छन्। सहमतीय सरकार गठनको समयसीमा सकिन लाग्दा राष्ट्रपति भण्डारीले आइतबार बिहान प्रधानमन्त्रीसमेत रहेका एमाले अध्यक्ष केपी ओली, कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, राप्रपा नेपालका अध्यक्ष एवं उपप्रधानमन्त्री कमल थापा र मधेसी जनअधिकार फोरम लोकतान्त्रिक अध्यक्ष विजयकुमार गच्छदारलाई शीतलनिवास बोलाएर परामर्श गरेकी हुन्।
सहमतीय सरकार गठनको प्रक्रिया कहाँ पुग्यो भन्ने प्रश्न गर्दै राष्ट्रपतिले त्यसका लागि थप समय आवश्यक भए/नभएको विषयमा प्रमुख राजनीतिक दलका नेताको सुझाव मागेकी थिइन्। संविधान कार्यान्वयनसहित मुलुकको समस्या समाधान गर्न राजनीतिक दलबीचको सहमति र एकता आवश्यक रहेको औल्याउँदै राष्ट्रपतिले मिलेर अघि बढ्न आग्रह गरेकी थिइन्।
जवाफमा नेताहरूले संविधान कार्यान्वयनसहित विषयमा दलहरू मिलेर अघि बढ्ने आश्वासन दिए पनि सहमतीय सरकार गठनको सम्भावना नरहेको स्पष्ट पारेका थिए। उनीहरूले बहुमतीय प्रक्रिया सुरु गर्न पनि राष्ट्रपतिलाई सुझाएका थिए।

महिलाले पुरुषको वीर्य स्खलन भएको थाह पाउछन् ?

महिलाको योनि तथा पाठेघरको मुखको संवेदनशीलता 
महिलाको यौनांग तथा प्रजनन अंगको कुरा गर्दा योनिको चर्चा धेरै हुन्छ । प्रजनन अंगको कुरा गर्दा पाठेघर, जसमा गर्भको शिशु हुर्कन्छ, त्यसका बारेमा पनि चर्चा हुने गरेको छ । पाठेघर तथा योनिलाई जोड्ने अंग, जसलाई Cervix uteri वा पाठेघरको मुख भनिन्छ, अहिले यसका बारेमा पनि चर्चा हुन थालेकाले जनमानसमा जानकारी बढ्दो छ ।
तपाईंको प्रश्नको जवाफ दिनुभन्दा पहिले योनि तथा पाठेघरको मुखको संवेदनशीलताका बारेमा कुरा गरौं । हामीलाई थाहै छ, हामी विभिन्न इन्द्रियबाट सन्देशहरू ग्रहण गर्छौं र स्नायुको माध्यमबाट ती सन्देश हाम्रो मस्तिष्कसम्म पुग्छ । यौन संवेदनशील अंग अर्थात् यौनांगले यौनसम्बन्धी सन्देश ओसार्ने कार्य गर्छन् र यसको स्पर्श वा घर्षणबाट आएका सन्देश हामीलाई यौन उत्तेजक लाग्छन् ।

सामान्यत: हामीले बुझिआएको कुरा के हो भने योनि यौन संवेदनशील अंग हो । यसको घर्षणबाट यौन उत्तेजना प्राप्त हुन्छ, तर योनिको बाहिरी एकतिहाइ भागमा मात्र यस्ता स्नायु हुने भएकाले उक्त क्षेत्र मात्र यौन संवेदनशील हुन्छ, न कि सम्पूर्ण योनि । महिलाको यौन तथा प्रजजन अंगको स्नायुलाई विशेषत: दुई किसिममा भाग लगाउन सकिन्छ, जसमध्ये एकलाई Somatic भने अर्कोलाई visceral भनिन्छ । Somatic प्रकारका स्नायु भएको अंगबाट आएका सन्देश स्पष्ट (accurate, localized) हुन्छन् भने visceral किसिमको अंगबाट आएका सन्देशहरू अस्पष्ट (impresize and non-localized) हुन्छन् । योनिको भित्री दुईतिहाइ भाग, पाठेघरको मुख, पाठेघर, डिम्बवाहिनी नली, डिम्बाशय अनि वरिपरिका अंगहरूमा visceral किसिमका स्नायु हुन्छन्, जसले गर्दा त्यहाँ आउने सन्देश त्यति स्पष्ट हुँदैनन् ।

यौन चरमसुखको कुरा

यौन प्रतिक्रिया चक्रको सन्दर्भमा उत्तेजनाको चरण (Excitement Phase), Plateau Phase (प्लाटो फेज), चरमसुख (Orgasm Phase) र Resolution Phase (रिजोलुसन फेज) हुन्छ । प्लाटो फेजमा भएको यौन stimulation निरन्तर रूपमा बढाउँदै लान सके एउटा यस्तो बिन्दुमा पुगिन्छ जसमा पुगेपछि व्यक्ति यौन तनावबाट मुक्त हुन्छ । यसको अवधि निकै छोटो हुने भए पनि मानव यौन जीवनमा यो चरणको विशेष महत्व छ, किनभने यतिबेला नै मानिसले प्राप्त गर्न सक्ने सुख वा आनन्दहरूमध्येको सर्वोत्कृष्ट सुख अनुभव गर्छ । यसैलाई चरमसुख भनिन्छ ।

चरमसुखको चरणमा मांसपेशीहरूमा निकै तनाव आउँछ र आफैं खुम्चने तथा खुल्ने हुन्छ । श्वास–प्रश्वासको गति तथा मुटुको गति बढेर दोब्बर हुन्छ र रक्तचाप निकै बढ्छ । महिलाहरूमा पाठेघर तथा योनिको बाहिरी भाग एवं शरीरको तल्लो भागका मांसपेशी खुम्चने तथा फुक्ने हुन्छ । पूर्ण चरमसुख पाउँदा यस्तो मांसपेशी खुम्चने–फुक्ने क्रम १० देखि १५ पटकसम्म हुन्छ । यतिबेला जुन सुखानुभुति हुन्छ हामी त्यसलाई चरमसुख वा स्वर्गीय आनन्द भन्छौं ।

पुरुषहरूको हकमा भने यो केही फरक हुन्छ । सुरुमा आन्तरिक अंगहरूको खुम्चने फुक्ने क्रम चल्छ र वीर्यलाई मूत्रनलीमा धकेल्छ । यो अवस्थामा पुगेपछि स्खलन रोकिन नसक्ने भएकाले point of no return पनि भनिन्छ । त्यसपछि मूत्रनली, लिंग तथा पौरुष ग्रन्थिको खुम्चने फुक्ने क्रम सुरु हुन्छ र वीर्य पनि बाहिर निस्कन्छ ।

के महिलाले वीर्य स्खलन भएको थाहा पाउँछन् ? 
माथिको कुराबाट तपाईंले थाहा पाइसक्नु नै भएको हुनुपर्छ कि यदि वीर्य स्खलन योनिको भित्री भाग तथा पाठेघरको मुखमा भएको छ भने खासै थाहा पाउने स्थिति हुँदैन । यो सामान्य कुरा नै हो, तर केही महिलाले केही आएजस्तो अनुभूति गरेका हुन्छन् ।

वीर्य स्खलन योनिबाहिर वा भग क्षेत्रमा भएको स्थितिमा राम्रैसँग थाहा पाउने स्थिति हुन्छ । गुदा मैथुन गर्दा मलाशयमा वीर्य स्खलन हुँदा भित्री योनिमा गरिएको भन्दा राम्रोसँग थाह पाउने स्थिति हुन सक्छ अनि मुखमैथुनमा वीर्य स्खलन हुँदा त थाहा पाइने भैहाल्यो ।
यौन चरमसुख प्राप्त हुने हाराहारीमा श्वास–प्रश्वास बढ्नेदेखि मांसपेशीमा संकुचन आउने अनि पुरुषले आनन्द प्राप्त गर्दा फरक किसिमको आवाज निकाल्ने अनि लिंग भित्र–बाहिर गर्ने कार्य रोक्ने जस्ता कतिपय कुरा गर्छन् । योनिभित्र नै वीर्य स्खलन भएको कुरा स्पष्ट थाहा नभए पनि यी कुराका आधारमा पनि महिलाले पुरुषको वीर्य स्खलन भएको थाहा पाउँछन् ।

बाख्राको दुधले यसरी बढाउँछ यौनशक्ति

सामान्यतः मानिसहरु पाचनसम्बन्धी समस्या झेलिरहेकै हुन्छन् । त्यसैले दिनहुँ गाई वा भैसीको दुध सेवन गर्दा समस्या समाधान हुने गरेको बताइन्छ ।
यदि बाख्राको दुध सेवन गर्ने हो भने पेटसम्बधी समस्या समस्या समाधान हुने गर्दछ । अध्ययनका अनुसार बाख्राको दुध सेवन गर्दा भूँडीमा जलत कम हुन्छ । दैनिक बाख्राको एक ग्लास दुध सेवन गर्दा स्वास्थ्यका लागि लाभदायी मानिन्छ ।
क्याल्सियमको कमीका कारण हड्डी कमजोर हुने गर्दछ । बाख्राको दुध पिउँदा क्याल्सियमको कमी समेत अन्त्य हुने गर्दछ । यसले हड्डीको समस्या समाधान गर्छ ।
बाख्राको दुधमा सेलेनियम मिनरल हुने गर्दछ । जसले शरीरको इम्युन प्रणालीलाई बढाउँछ । शरीरलाई स्वस्थ र बलियो राख्नका लागि यो मिनरल निकै लाभदायी मानिछ ।
मुटुलाई स्वस्थ राख्न पनि बाख्राको दुध लाभदायक हुन्छ । यसले कोलेस्ट्रोललाई सन्तुलनमा राख्ने काम गर्दछ । बाख्राको दुधले हृदयघात, स्ट्रोक्स रोक्न पनि महत्वपूर्ण भूमिका खेल्ने गर्दछ । पोटासियमको स्तर यसमा बढी हुने भएकाले यसले ब्लड प्रेसरलाई पनि सन्तुलनमा राख्न सघाउछ ।
प्रोटिन शरीरको विकास र ग्रोथका लागि आवश्यक हुन्छ । त्यसैले प्रोटिनका लागि पनि बाख्राको दुध उपयुक्त मानिन्छ । यदि बच्चाको ग्रोथ सही चाहनु हुन्छ भने प्रोटिनको सही मात्र मिल्नु आवश्यक छ। त्यसैले यसका लागि सबैभन्दा उत्तम विकल्प बाख्राको दुध हो ।
यौन शक्ति बढाउन पनि बाख्राको दुध महत्वपूर्ण हुने गर्दछ । ५ वा ७ खजुरलाई ताजा बाख्राको दुधमा मिलाएर रातभर छाड्ने र बिहान त्यसलाई बाख्रोको दुधसँग सेवन गर्दा यौन शक्ति बढ्ने गर्दछ । एजेन्सी