एक दशकपछि बन्ने भयाो भिट्ठामोड–जलेश्वर जनकपुर सडक

महोत्तरी, २२ भदौ । बर्षौदेखि अति जिर्ण रहेको भिटठामोड जलेश्वर जनकपुर सडक निर्माणको कार्य आगामी सातादेखि शुरु हुने भएको छ ।
एक दशकको प्रयासपछि सडक निर्माणको लागि अर्थ मन्त्रालयबाट बजेट निकासा भईसकेको र दुई क्लस्टरमा निर्माण गर्न ठेकेदारसँग सम्झौता भइसकेको छ । सडकको शिलान्यास गर्नको लागि भौतिक योजना तथा निर्माणमन्त्री रमेश लेखकले पर्सी २४ गते जानुहुने तयारी भएको छ ।
‘जनकपुर–भिठठामोड सडकलाई दुईवटा प्याकेज बनाइएको छ’ हुलाकी सडकका निर्देशक बलराम मिश्रले भने–एउटा सडक ंदुधमती नदीदेखि कुटमेसरी नदी (किलोमिटरदेखि ९ किलोमिटर)सम्म र अर्को प्याकेज कुटमेसरी नदीदेखि १८.७ किलोमिटर भिठठामोड सम्म रहेको छ ।
सडक ६ लेनको भनिए पनि वस्ती नभएको स्थानहरुमा ४ लेनकै हुनेछ । तत्कालिन भौतिक निर्माण तथा यातायात सचिव गजेन्द्र ठाकुरले सम्पूर्ण सडक ६ लेन नै बनाउन आदेश दिए पनि ठेक्का प्रकृया अगाडी बढिसकेकोले गाउँ बस्तीहरुमा ६ लेन र वस्ती नभएकोमा ४ लेन सडक बन्ने हुलाकी कार्यालय जनकपुरका प्रमुख अर्जुन यादवले जानकारी दिनुभयो ।
यो सडक निर्माणका लागि पछिल्लो समय धनुषा महोत्तरी संयुक्त संघर्ष समितीले विभिन्न चरणका आन्दोलनको कार्यक्रम गर्दै आमरन अनसनसम्मका आन्दोलनका कार्यक्रमहरु सार्वजानिक गरेका थिए ।