रौतहटका कृषकहरु माछापालन व्यवसाय तर्फ आकर्षित

रौतहट
रौतहटका कृषकहरु अहिले माछापालन व्यवसाय तर्फ आकर्षित हुन थालेको छ । थोरै लागत र मिहिनेतमा राम्रो आम्दानी हुने भएकाले कृषकहरु माछापालन गर्ने तर्फ लागेका छन । कृषकहरु माछापालन व्यवसाय तर्फ लागेपछि जिल्लामा अहिले माछापालन व्यवसाय पनि फस्टाउन थालेको छ । कृषकहरु आफनै खेतबारीमा आफनो क्षेमता जतिको पोखरी निर्माण गरेर माछापालन गरिरहेका छन । आफुले १ कठ्ठा खेतमा पोखरी निर्माण गरेर माछा पालन गरेको र यसबाट राम्रो आम्दानि हुनेगरेको बताउनुहुन्छ मौलापुरका कृषक ठगा यादव । कतिपय त अर्काको देखासीखिले पनि माछापालनम लागेको देखिएको छ । आफनो साथीले माछापालन व्यवसाय गरेको देखेर आफु पनि माछापालन व्यवसायमा लागेको बताउनुहुन्छ सरमुजवा बंकुलका अमर शाह ।  आफुले माछापालन व्यवसाय शुरुगरेदेखी घरखर्च सजिलैसँग चल्नुका साथै आफनो छोराछोरी पनि राम्रोसँग पढिरहेको मलाहिटोलको राम प्रताप माझी बताउनु भयो ।  कृषकहरुलाई उत्पादित माछा बेच्न धेरै टाढा पनि जानु पर्दैन, उनिहरुले उत्पादन गरेको माछा सजिलै आफनै गाँउघरको बजारहरुमा बिक्रिहुने गरेको छ । बजारमा माछाको माग पनि उच्च रहेको र माछा बेच्नैका लागि टाढा जानु नपरेको फेरी मलाहिटोलकै राम सेवक माझी यसरी बताउनुहुन्छ ।  रौतहटका विभिन्न गाविसका  चार सय ७० हेक्टर क्षेत्रफलको पोखरीमा अहिले कृषकहरुले माछापालन व्यवसाय गरिरहेका छन । जिल्लाका कृषकहरुले माछापालन व्यवसायबाट वार्षिक ३ लाखसम्म आम्दानी गर्दै आएको जिल्ला कृषि विकास कार्यालयले जनाएको छ । जिल्लाको मलाहि गाविसमा मात्रै सबैभन्दा बढी कृषकहरुले साना ठूल्ला गरी ६० वटा पोखरीमा माछापालन व्यवसाय गरिरहेका छन । उक्त गाविस माछा गाँउ भनेर चिनिन थालेको छ । जिल्लामा तीन दशमलव  २५ मेट्रिक टन माछा उत्पादन हँुदै आएको छ ।