लहान, भदौ १८
कर्तव्य ज्यान मुद्दामा अदालतबाट २० वर्ष कैद सजाय पाएर डेढ वर्षदेखि फरार रहेका एक युवकलाई प्रहरीले गए राति पक्राउ गरेको छ ।
इलाका प्रहरी कार्यालय गोलबजारबाट खटिएको टोलीले अदालतबाट कैद सजाय पाएर
फरार रहेका सिरहा, गोलबजार नगरपालिका–६ निवासी ३२ वर्षीय विनोदकुमार
यादवलाई पक्राउ गरेको हो ।
कर्तव्य ज्यान मुद्दामा सिरहा जिल्ला अदालतबाट २०७१ फागुन १८ गते यादवलाई
२० वर्षको कैद सजायको फैसला गरेको थियो । फरार रहेका यादव आफ्नै घरमा
लुकिछिपी बसिरहेको गोप्य सूचनाका आधारमा खटिएको प्रहरी टोलीले यादवलाई
पक्राउ गरेको इलाका प्रहरी कार्यालय गोलबजारका प्रहरी निरीक्षक
राजेन्द्रकुमार उपाध्यायले जानकारी दिए । 
No comments:
Post a Comment