मधेश आन्दोलनका शहिदहरूको श्रद्धाञ्जली कार्यक्रम

कालो दिवस कार्यक्रमको तेश्रो दिन आज मधेश आन्दोलनका शहिदहरूको श्रद्धाञ्जली कार्यक्रम कपिलवस्तु जिल्लाको सदरमुकाम तौलिहवामा संघीय गठबन्धन मधेशी युवाको आयोजन, युवा नेता दिपक पाण्डेयको अध्यक्षता तथा नेपाल सदभावना पार्टीका केन्द्रिय अध्यक्ष अनिल कुमार झाको प्रमुख आतिथ्यमा सम्पन्न भयो ।

कार्यक्रममा नेपाल सदभावना पार्टीका केन्द्रिय अध्यक्ष अनिल कुमार झा, संघीय समाजवादी फोरमका के स सहसराम यादव, तमलोपाका के स मधुसुदन चौधरी, नेसपाका सह-महासचिव निसार अहमद खाँ, के स रवीन्द्रनाथ मिश्रा, तमसपा के के स मोहम्मद हई, नयाँशक्ति नेपालका के स राम लौटन तिवारी, नेसपा का जिल्ला अध्यक्ष कालीपद शर्मा सहितका नेताहरूले सम्बोधन गर्नु भएको थियो ।

कार्यक्रमलाइ सम्बोधन गर्दै नेपाल सदभावना पार्टीका केन्द्रिय अध्यक्ष अनिल कुमार झाले मधेश आन्दोलन सहित देश र मधेशका सबै आन्दोलनका अमर शहिदहरूप्रति हार्दिक श्रद्धाञ्जली अर्पण गर्दै अधिकार प्राप्ति नभएसम्म, देशमा शहिद हुनेहरूको क्रम बन्द नहुने तथ्य स्पष्ट गर्नु भयो । वहांले आफ्नै देशमा मधेशीहरुको "अंश र वंश" माथी राज्यपोषित षड़यन्त्र र आक्रमण भैरहेको कुरा बताउनु भयो । वहांले मधेशीको पहिचान, पहूंच, प्रतिनिधित्व, प्रदेश र प्राकृतिक श्रोत एवं राजस्वमा समुचित हिस्सेदारी नदिइएसम्म तथा संबिधान संसोधन गरी नागरिकता, संघियता, समानुपातिक समावेशिकरण, समान जनसंख्याको अनुपातमा प्रतिनिधित्व, मधेशको भाषा हिन्दी, अवधी, भोजपुरी र मैथिलीलाइ मान्यता नदिइएसम्म जारी रहने बताउनु भयो । वहाँले बर्तमान प्रधानमन्त्री प्रचण्डले संबिधान संसोधन गरी मधेशीको मांग सम्बोधन गर्ने आश्वासन र सम्झौता गर्नु भएकोले केहीं समय आन्दोलन स्थगित गरिएको बताउनु भयो ।

संविधान दिवसको अवसरमा निकाएलिएको र्‍यालीमा मोर्चाको हस्तक्षेप

रौतहट- संविधान दिवसको अवसरमा रौतहट सदरमुकाम गौरमा निकालिएको र्‍यालीमा मधेसी मोर्चाका कार्यकर्ताले हस्तक्षेप गरेका छन्। प्रमुख जिल्ला अधिकारी नरहरि बराल र जिल्ला प्रहरी प्रमुख डा. गणेश रेगमी सहभागी उक्त र्‍यालीमा मोर्चा कार्यकर्ताले हस्तक्षेप गरेका हुन्।

मोर्चाका कार्यकर्ताले हस्तक्षेप गर्न खोज्दा प्रहरीसँग सामान्य झडप पनि भएको थियो। उनीहरुले नयाँ संविधान मुर्दावाद भन्दै नारबाजी गरेका छन्।

सद्‍भावनाका केन्द्रीय सहमहासचिव अजय गुप्ता, संघीय समाजवादी फोरम नेपालका जिल्ला अध्यक्ष रामनिवास यादव र तमलोपाका नेता अनिल सिंहलगायतको उपस्थितिमा नेपालको संविधान २०७२ जलाइएको थियो।

धुमधामका साथ विश्वकर्मा पूजा गरियो

प्रत्येक वर्ष असोज १ गतेका दिन मनाइने विश्वकर्मा पूजा आज जनकपुरमा सुनचाँदी कालिगढ संघ तथा अन्य धातुजन्य कलकारखानामा पूजाआजा गरी मनाइएको छ । 
जनकपुर उपमहानगरपालिका वडा नं. ४ स्थित सुनचाँदी बजारमा एक सप्ताह पहिलादेखि विश्वकर्मा पूजाको तयारीमा जुटेका थिए । सुनचाँदी बजार विश्वकर्मा पूजामा निक्कै सजाइए बाबा विश्वकर्माको प्रतिमा बनाएर पूजा आजा गरिएको छ । त्यस्तै जनकपुरको विभिन्न चौक चौराहामा धातुजन्य कलकारखाना व्यवासायीहरुले भव्यता पूर्वक पूजा गरिएको छ । विश्वकर्मा पूजाका दिन दिनभरि भक्तिमय गीतले जनकपुर गुन्जमय देखिएको छ । विशेष गरी आजैकैदिन अधिकांश उद्योगीहरुले आआफ्ना उद्योगको उद्घाटन समेत गरेको छ ।
विश्वकर्मा पूजाका अवसरमा बिहानैदेखि कलकारखानामा रङ्गीचङ्गी ध्वजापताका टाग्नुका साथै विशेष पूजा गरिएको छ । सवारी साधन हुनेले बिहानै सवारी साधनको सफा गरी पूजा गरेका छन् भने अन्य सार्वजनिक सवारीका साधनलाई पनि रिवन तथा विभिन्न ध्वजापताका लगाएर सिङ्गारिएको छ ।
गाडी मर्मत सम्भार गर्ने ग्यारेजलगायत प्रत्येक सानाठूला उद्योगमा आजै मर्मत सामग्रीको टिकाउ र मुनाफाको कामना गर्दै पूजा गर्ने प्रचलन रहेको छ । 
बाबा विश्वकर्माको पूजा गरिसकेपछि दिनभर ती सामानको प्रयोग नगर्ने चलन पनि छ । विश्वकर्मा पूजाका अवसरमा जनकपुर तथा ग्रामीण क्षेत्रमा पछिल्ला वर्ष विभिन्न उद्योग तथा कलकारखानामा विश्वकर्माको मूर्ति बनाई पूजा गर्ने र आज पूजा गरिएको मूर्तिलाई भोलि बिहान नजिकैको खोला वा नदीमा लगि विसर्जन गर्ने प्रचलन रहेको छ ।विगतमा विशेष गरी तराई क्षेत्रमा धुमधामका साथ विश्वकर्मा पूजा गरिने गरेकामा पछिल्ला केही वर्ष यता पहाडी जिल्लामा पनि यसको गरिमा र महत्व बढ्दै गएको देखिएको छ ।

डिएफओलाई न्याय सम्पादन सम्बन्धी तालिमको आभाव

सरकारले जिल्ला वन अधिकृतलाई न्याय सम्पादन गर्नको लागि अर्धन्यायिक निकायको गठन गरिएको भएको यस सम्बन्धी तालिमको आभाव रहेको कारणले न्याय सम्पादन सम्बन्धी समस्या आएको छ। न्याय सम्पादन गर्नको लागि तालिमको आभाव देखिएको कारणले गर्दा समस्या आएको    हो । जिल्ला वन कार्यालय धनुषामा समेत न्याय सम्पादन सम्बन्धी तालिमको आभाव देखिएको कारणले गर्दा समस्या आएको    हो ।
जिल्ला वन अधिकृत विरेन्द्र साहले केही दिन सम्म निमित्त कार्यालय प्रमुख मात्रै रहेको कारणले काम गर्न समस्या आएको थियो । उनिहरुले मुद्दा दर्ता गरेपछि न्याय सम्पादन गर्ने अधिकार नरहेको कारणले गर्दा समस्या आएको     हो । अहिले आएर वन अधिकृतलाई न्या सम्पादन सम्बन्धी तालिम दिएको कारणले गर्दा न्याय सम्पादनमा सहज भएको साहले बताए । त्यस कारणले गत वर्ष आफुहरुले १८ थान मुद्दाको फर्छौट गरेको समेत जानकारी दिए ।
वन कार्यालय धनुषालेगत आर्थिक वर्षमा १३ जना पक्राउ परेको र जस मध्ये ३० जनालाई अभियुक्त बनाएको र ४ जना फरार रहेको जानकारी दिइएको छ। त्यसैगरि गत आर्थिक वर्षमा जिम्मेवारी सरेको मुद्दाको संख्या ४८ रहेको छ । जस मध्ये ३९ जना अभियुक्तको मुद्दा फर्छौट गरेर १८ थान मुद्दा फर्छौट गरेको जानकारी दिएको छ ।
वन कार्यालय धनुषाले कुनैकिसिमको आर्थिक लाभ नलिएको निष्पक्ष रुपमा न्याय सम्पादन गरिएको जानकारी दिएको छ ।

डेली एक्सपे्रस राष्ट्रिय दैनिक २०७३ आश्विन २ गते

डेली एक्सपे्रस राष्ट्रिय दैनिक २०७३ आश्विन २ गते

यो उपाय अपनाएमा शिघ्रपतनको समस्या समाधान हुन्छ

यौनसम्पर्क गरेलगत्तै वा गर्नुभन्दा पहिला नै वीर्य स्खलन भएमा त्यसलाई शिघ्रपतन भनिन्छ । यसको ९५ प्रतिशत कारण भनेको मानसिक समस्या हो । यौनसम्पर्क गर्दा के हुने होला ?, मैले सन्तुष्टि दिन सकिन भने के हुने होला ?, मेरो छिट्टै वीर्यस्खलन भईहाल्छ होला, बच्च पेटमा आएमा के गर्ने होला भन्ने खालको सानोसानो कुराहरुले पनि शिघ्रपतनलाई सघाईराखेको हुन्छ । सबैभन्दा पहिलो कुरा मानसिक रुपमा चिन्ता नगर्ने, दुईजना यौनसाथीहरुबीचमा सहज ढङ्गले यौनसम्बन्धी कुराहरु गरेमा मात्र यसको समाधान केही सहजता आउनसक्छ । अर्को बुझ्नैपर्ने कुरा के हो भने पहिलोपटक यौनसम्पर्क गर्दा सबैलाई शिघ्रपतन हुन्छ । तर शिघ्रपतनको समस्या यौनसम्पर्क गर्दै जाँदा बिस्तारै ठिक हुदैँ जान्छ । त्यसकारण ९५ प्रतिशत कारण मानसिक समस्या नै हो अरु ५ प्रतिशत कारण भनेको संक्रमण वा अन्य कुनै समस्याले गर्दा पनि हुनसक्ने संभावना हुन्छ ।

लामो समयसम्म हस्तमैथुन नगरेको, लामोसमयसम्म यौनसम्पर्क नगरेको तर यौनसम्पर्क गर्न मन लागेको ब्यक्तिलाई पनि शिघ्रस्खलनको समस्या आउन सक्छ । यसलाई कम गर्नको लागी हस्तमैथुन गर्न सकिन्छ, त्यसैगरि अर्को उपाय भनेको यौनसाथीले गर्ने सहयोग हो । यौनसम्पर्क गदैजाँदा जव स्खलन हुन लाग्छ तव योनीबाट लिङ्ग निकालेर यौनसाथीले लिङ्गलाई च्याप्प समात्ने, एकछिन समातेपछि फेरी यौनसम्पर्क गर्ने, यो उपायलाई यौनसम्पर्क गर्दा अपनाउँदै गएमा बिस्तारै शिघ्रस्खलनको समस्या घटेर जान्छ । तर सबैकुराको पछाडी मानसिक समस्या नै हो । मानसिक तनावबाट मुक्त रहनुभयो भने शिघ्रपतनको समस्या बिस्तारै समाधान हुदैँ जानेछ ।

विश्वकर्मा पूजा आज, वास्तु दिवस पनि मनाइँदै

काठमाडौँ, १ असोज । आश्विन सङ्क्रान्तिका दिन आज कालीगढले विश्वकर्माको पूजाआजा गरी विश्वकर्मा दिवस मनाउँदै छन् ।

द्वापर युगमा भगवान् कृष्णलाई राक्षसले दुःख दिएपछि विश्वकर्माले समुद्रका बीचमा ‘भेद द्वारका’ बनाइ लुकाएको धार्मिक विश्वास छ । एकै रातमा समुद्रका बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको नेपाल पञ्चाङ्ग निर्णायक समितिका अध्यक्ष एवम् धर्मशास्त्रविद् प्रा डा रामचन्द्र गौतम बताउनुहुन्छ ।

प्राचीन भारतवर्षका चार दिशाका रक्षक देवतामध्ये द्वारकालाई पश्चिम दिशाको रक्षक देवताका रुपमा समेत मानिन्छ । विश्वकर्माले निर्माण गरेको ‘भेद द्वारका’ अहिले पनि भारतको गुजरात राज्यमा समुद्रका बीचमा रहेको छ । विश्वकर्मालाई वास्तु विद्याका विशिष्ट ज्ञाताका रुपमा समेत मान्ने गरिन्छ । ब्रह्माका पुत्र विश्वकर्माले लङ्कालगायत दैवीकालका सबै संरचनाको निर्माण गरेको विश्वास छ ।

यही सम्झनामा नेपालका कालीगढले आज भव्य रुपमा विश्वकर्मा बाबाको पूजा गरी उहाँको विद्वताको सम्मान गर्ने र यसो गरेमा आफूमा पनि विश्वकर्माको गुण प्राप्त हुने विश्वासका साथ विश्वकर्माको पूजा गर्दछन् ।

आजको दिनलाई वास्तु शास्त्रीले वास्तु दिवसका रुपमा समेत मनाउने गर्छन् ।

काठमाडौँ, १ असोज । आश्विन सङ्क्रान्तिका दिन आज कालीगढले विश्वकर्माको पूजाआजा गरी विश्वकर्मा दिवस मनाउँदै छन् ।
द्वापर युगमा भगवान् कृष्णलाई राक्षसले दुःख दिएपछि विश्वकर्माले समुद्रका बीचमा ‘भेद द्वारका’ बनाइ लुकाएको धार्मिक विश्वास छ । एकै रातमा समुद्रका बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको नेपाल पञ्चाङ्ग निर्णायक समितिका अध्यक्ष एवम् धर्मशास्त्रविद् प्रा डा रामचन्द्र गौतम बताउनुहुन्छ ।
प्राचीन भारतवर्षका चार दिशाका रक्षक देवतामध्ये द्वारकालाई पश्चिम दिशाको रक्षक देवताका रुपमा समेत मानिन्छ । विश्वकर्माले निर्माण गरेको ‘भेद द्वारका’ अहिले पनि भारतको गुजरात राज्यमा समुद्रका बीचमा रहेको छ । विश्वकर्मालाई वास्तु विद्याका विशिष्ट ज्ञाताका रुपमा समेत मान्ने गरिन्छ । ब्रह्माका पुत्र विश्वकर्माले लङ्कालगायत दैवीकालका सबै संरचनाको निर्माण गरेको विश्वास छ ।
यही सम्झनामा नेपालका कालीगढले आज भव्य रुपमा विश्वकर्मा बाबाको पूजा गरी उहाँको विद्वताको सम्मान गर्ने र यसो गरेमा आफूमा पनि विश्वकर्माको गुण प्राप्त हुने विश्वासका साथ विश्वकर्माको पूजा गर्दछन् ।
आजको दिनलाई वास्तु शास्त्रीले वास्तु दिवसका रुपमा समेत मनाउने गर्छन् ।
- See more at: http://www.sambadmedia.com/?p=286900#sthash.BBurf0Pj.dpuf